|
ܡܢܗܪܬܐ
ܩܐ ܒܢ̈ܝ ܥܡܢ ܐܫܘܪܝܐ
ܩܐ ܠܘܝ̈ܐ ܘܣܢܕܢ̈ܐ ܕܠܘܡܕܐ ܐܫܘܪܝܐ ܓܘܢܝܐ ܟܠ ܐܝܟܐ ܕܝܠܝܗܝ
ܓܘ ܛܠܐ ܕܐܝܟܢܘܬ̈ܐ ܥܣܩ̈ܐ ܕܒܥܒ̣ܪܐ ܝܠܗ̇ ܒܗ̇ ܨܒ̣ܘܬܢ ܐܫܘܪܝܬܐ ܘܒܥܕܢܐ ܕܣܘܥܪܢܐ
ܟܫܝܪܐ ܘܦܘܠܚܢܐ ܝܨܝܦܐ ܕܒܩܝܡܐ ܝܠܗ ܒܗ ܠܘܡܕܐ ܐܫܘܪܝܐ ܓܘܢܝܐ ܐ̄ܬܹܐ ܠܗ ܒܘܝܢܐ
ܕܡܝܩܪܐ ܢܡܪܘܕ ܫܝܒܐ ܗܕܡܐ ܒܕܥܒܪ ܕܠܘܡܕܐ ܐܫܘܪܝܐ ܓܘܢܝܐ ܒܘܕ ܡܗܕܝܢܘܬܐ ܕܠܘܡܕܐ
ܐܫܘܪܝܐ ܓܘܢܝܐ ܘܠܡܢܗܪܬܐ ܡܢܢ ܠܟܠܝܬܐ ܚܙܝܐ ܠܢ ܐܢܢܩܝܬܐ ܡܢܦܩܬܐ ܕܐܗܐ ܡܢܗܪܬܐ.
ܩܕ̄ܡܝܐ: ܡܝܩܪܐ ܢܡܪܘܕ ܫܝܒܐ ܠܐ ܝܠܗ ܗܕܡܐ ܕܠܘܡܕܐ ܐܫܘܪܝܐ ܓܘܢܝܐ ܡܢ 28 ܢܝܣܢ 2008.
ܬܪܝܢܐ: ܡܝܩܪܐ ܢܡܪܘܕ ܫܝܒܐ ܡܘܙܝܕܠܗ ܓܘ ܒܘܝܢܐ ܡܢܕܝ ܕܒܐܬܝܐ ܝܠܗ: ܢܡܪܘܕ ܫܝܒܐ ܡܢ ܓܒܐ ܕܣܝܥܬܐ ܥܒܘܕܬܐ ܕܠܘܡܕܐ ܐܫܘܪܝܐ ܓܘܢܝܐ.
ܘܐܚܢܢ ܓܘ ܠܘܡܕܐ ܐܫܘܪܝܐ ܓܘܢܝܐ ܡܕܥܘܝܐ ܗ̄ܘܝܚ ܩܐ ܕܐܗܐ ܒܘܝܢܐ ܠܝܬ ܠܗ ܗܝܟ̃
ܐܣܘܪܐ ܒܣܝܥܬܐ ܥܒ̣ܘܕܬܐ ܘܡܝܩܪܐ ܢܡܪܘܕ ܫܝܒܐ ܠܐ ܝܠܗ ܡܡܬܘܠܗ ܫܒ̣ܘܩ ܡܢ ܢܘܦ̮ܫܗ،
ܘܐܚܢ̈ܢ ܡܕܥܘܝܐ ܗ̄ܘܝܚ ܩܐ ܕܡܗܕܝܢܘܬܐ ܕܠܘܡܕܐ ܕܦܝܫܬܐ ܝܠܗ̇ ܡܓܘܒܝܬܐ ܗܵܠܐ ܡܓܪܘܫܐ
ܝܠܗ̇ ܦܘܠܚܢ̈ܢܗ ܘܗܕܡ̈ܐ ܕܠܘܡܕܐ ܐܡܝܢ̈ܐ ܝܠܝܗܝ ܓܘ ܦܘܠܚܢܝܗܝ ܟܠ ܐܝܟ̣ ܕܘܵܠܐ ܥܠܗ
ܘܐܝܟ̣ ܕܪܓ̣ܗ، ܘܡܝܩܪܐ ܝܫܥܝܐ ܝܫܘܥ ܗܵܠܐ ܡܬܡܘܡܐ ܝܠܗ ܘܠܝܬܗ ܐܝܟ̣ ܕܪܓ̣ܗ ܐܝܟ̣
ܪܫܐ ܕܣܝܥܬܐ ܥܒ̣ܘܕܬܐ ܕܠܘܡܕܐ ܐܫܘܪܝܐ ܓܘܢܝܐ.
ܬܠܝܬܝܐ: ܒܡܢܕܝ ܕܐܝܬܠܗ ܐܣܘܪܐ ܒܫܘܦܐ ܐܠܟܬܪܘܢܝܐ ܕܠܘܡܕܐ ܡܝܩܪܐ ܢܡܪܘܕ ܫܝܒܐ
ܫܩܝܠܗ ܦܘܪܣܬ ܕܦܘܠܚܢܗ ܓܘ ܣܝܥܬܐ ܕܝܘܕܥܐ ܕܠܘܡܕܐ ܐܫܘܪܝܐ ܓܘܢܝܐ ܘܩܝܡܠܗ ܒܡܟܠܝܬܐ
ܕܦܘܠܚܢܐ ܕܫܘܦܐ ܐܠܟܬܪܘܢܝܐ ܕܠܘܡܕܐ ܠܙܘܕܐ ܡܢ ܚܕ ܝܪܚܐ، ܘܦܠܚܢܐ ܩܐܡ ܝܠܗ ܠܦܬܚܬܐ
ܕܫܘܦܐ ܪܘܫܡܝܐ ܚܕ̄ܬܐ ܩܐ ܠܘܡܕܐ.
ܪܒ̣ܝܥܝܐ:
ܒܡܢܕܝ ܕܐܝܬܠܗ ܐܣܘܪܐ ܒܣܦܪܙܒ̣ܢܐ ܕܐܫܘܪ̈ܝܐ ܡܠܠܐ ܒܠܫܢܐ ܕܠܘܡܕܐ ܐܫܘܪܝܐ ܓܘܢܝܐ،
ܦܘܠܚܢܐ ܥܠ ܡܢܦܩܬܗ ܐܡܝܢܝܐ ܝܠܗ ܒܝܕ ܣܝܥܬܐ ܕܣܝܘܡܘܬܐ ܘܒܕ ܢܦܩܐ ܒܥܕܢܐ ܩܘܪܒܐ،
ܘܠܝܬ ܠܗ ܡܝܩܪܐ ܢܡܪܘܕ ܐܣܘܪܐ ܒܡܢܦܩܬܗ.
ܘܒܚܘܬܡܐ ܡܫܪܘܪܐ ܗ̄ܘܝܚ ܩܐ ܕܠܘܡܕܐ
ܐܫܘܪܝܐ ܓܘܢܝܐ ܐܡܝܢܝܐ ܝܠܗ ܓܘ ܦܘܠܚܢܗ ܡܛܠ ܡܫܪܪܬܐ ܕܢܝܫ̈ܐ ܕܥܡܐ ܐܫܘܪܝܐ،
ܘܡܚܬܘܬܐ ܗ̄ܘܝܚ ܩܐ ܠܘܝ̈ܐ ܘܣܢܕܢ̈ܐ ܕܠܘܡܕܐ ܘܟܕܝܪ̈ܗ ܘܗܕܡ̈ܗ ܩܐ ܕܐܢ̈ܝ ܥ̈ܒ̣ܕܐ ܠܐ
ܡܫܬܐܠܢ̈ܐ ܠܐ ܡܟܠܝ ܡܐܙܠܬܐ ܕܠܘܡܕܐ ܐܫܘܪܝܐ ܓܘܢܝܐ.
ܠܫܩܠܬܐ ܘܝܗ̄ܒ̣ܠܬܐ ܥܡ ܣܝܥܬܐ ܥܒ̣ܘܕܬܐ ܕܠܘܡܕܐ ܐܫܘܪܝܐ ܓܘܢܝܐ ܗܠ ܦܬܚܬܐ ܕܫܘܦܐ ܪܘܫܡܝܐ ܕܠܘܡܕܐ ܟܬܘܒ̣ܘܢ ܩܐ
assyriangc@hotmail.com
ܬܘܩܝܥܐ (ܪܡܝ ܐܝܕܐ) ܕܗܕܡ̈ܐ ܕܣܝܥܬܐ ܥܒ̣ܘܕܬܐ ܕܠܘܡܕܐ ܐܫܘܪܝܐ ܓܘܢܝܐ:
ܡܪܬܢ ܐܘܫܥܢܐ
ܐܕܘܪ ܐܒ̣ܪܗܐ
ܬܝܘܕܘܪ ܝܘܚܢܐ
ܓܝܘܪܓܝܣ ܢܒ̣ܝܐ
ܪܘܒܢ ܝܘܚܢܐ
ܐܟܪܡ ܬܝܕܝ
ܒܗܪܡ ܙܝܥܐ
ܐܫܘܪ ܝܥܩܘܒ̣
ܟ̣ܡܝܣ ܟ̣ܡܝܣ
21.6.2008 |
