ܒܘܝܢܐ ܕܠܘܡܕܐ ܐܫܘܪܝܐ ܓܘܢܝܐ ܒܘܕ ܓܕܫ̈ܐ ܕܟܪܟܘܟ

ܡܢܕܝ ܕܒܚܙܝܗ ܝܠܗ ܥܝܪܐܩ ܐܕܝܘܡ ܡܢ ܡܣܪܗܒ̣ܬܐ ܓܘ ܩܘܘܡܝܬܐ (ܓܕܫ̈ܐ) ܘܡܣܩܬܐ ܣܝܣܝܬܐ ܡܬܘܒ̣ܐ ܝܠܗ ܕܥܬܝܕ ܕܥܝܪܐܩ ܓܘ ܩܢܛܐ ܘܡܫܠܛܘܢܐ ܝܠܗ ܒܗܪܐ ܥܠ ܪܚܫܬܐ ܕܥܡܠܝܬܐ ܣܝܣܝܬܐ ܒܩܐܡ ܓܘ ܥܝܪܐܩ ܡܢ ܡܚܝܠܘܬܐ ܘܚܠܛ̈ܐ ܐܣܝ̈ܐ ܐܣܝܪ̈ܐ ܒܦܘܠܚܢܐ ܣܝܣܝܐ ܥܝܪܐܩܝܐ ܘܗܘ ܕܒܢܝܐ ܝܠܗ ܥܠ ܡܦܠܓ̣̄ܝܬܐ ܛܝܦܝܬܐ ܘܫܪܫܝܬܐ ܡܬܚܠܗ ܒܪܬܩܠܗ ܥܠ ܫܒ̣ܝܠܐ ܥܝܪܐܩܝܐ ܘܡܓܘܫܡܢܗ ܓܘ ܦܘܠܚܢܐ ܕܥܢܦ̮ܐ ܛܝܦܝܐ ܘܫܪܫܝܐ، ܘܡܘܕܝ ܝܠܝܗ ܓܕܫ̈ܐ ܐ̄ܚܪ̈ܝܐ ܕܟܪܟܘܟ ܠܦܠܛܐ ܚܬܝܬܐ ܠܡܢܕܝ ܕܬܘܚܪܙܠܗ̄ܘܢ ܚܠ̈ܐ ܕܡܫܠܛܘܢܐ ܝܠܝܗܝ ܥܠ  ܡܫܛܚܐ ܥܝܪܐܩܝܐ ܡܢ ܫܒ̣ܝܠܐ ܕܟܘܬܫ̈ܐ ܓܒܝ̈ܐ ܘܕܒ̣ܝܩܐ ܒܗܢܝܢܐ ܣܗܡܝ̈ܐ ܥܠ ܚܫܒܘܢܝܐ ܕܗܢܝܢܐ ܐܬܪܢܝܐ ܥܠܝܐ، ܘܓܘ ܕܐܗܐ ܥܕܢܐ ܩܪܛܝܩܝܬܐ ܕܒܥܒ̣ܪܐ ܝܠܗ ܒܗ̇ ܐܬܪܐ، ܐܚ̈ܢܢ ܓܘ ܠܘܡܕܐ ܐܫܘܪܝܐ ܓܘܢܝܐ ܒܕܝܢܐ ܗ̄ܘܝܚ ܠܡܢܕܝ ܕܡܩܘܘܠܡܗ ܡܢ ܓܕܫܐ ܘܥܢܦ̮ܐ ܘܚܪܒ̣ܐ ܕܦܝܫܠܗ ܥܒ̣ܝܕܐ ܥܠ ܩܢܛ̈ܪܘܢܐ ܕܡܩܕܡܐ ܬܘܪܟܡܢܝܐ ܓܘ ܐܘܚܕܢܐ ܕܟܪܟܘܟ، ܘܒܟܠܝܐ ܗܘܝܚ ܕܪܩܘܒ̣ܠ ܕܣܝܣܐ ܛܝܦܝܐ ܓܘ ܡܥܡܠܬܐ ܥܡ ܨܒ̣ܘܬܐ ܕܟܪܟܘܟ ܘܥܒ̣ܪܬܐ ܥܠ ܐܨܠܝܘܬܗ ܘܡܕܟ̣ܘܪܐ ܗ̄ܘܝܚ ܩܐ ܕܐܝܟ̣ ܕܐܢ̈ܝ ܣܝܣ̈ܐ ܡܘܡܛܐ ܠܗ̄ܘܢ ܠܨܒ̣ܘܬܐ ܥܠ ܕܐܗܐ ܐܝܟܢܝܘܬܐ، ܘܒܐܗܐ ܥܕܢܐ ܐܚܢ̈ܢ ܡܛܥܘܢܐ ܗ̄ܘܝܚ ܦܩܘܕܘܬ̈ܐ ܩܘܪ̈ܕܝܐ ܡܫܬܐܠܢܘܬܐ ܕܡܣܩܬܐ ܕܐܝܟܢܘܬ̈ܐ ܘܡܗܕܪܬܐ ܕܫܒ̣ܝܠܐ ܠܨܘܒ ܡܣܩܬܐ ܕܦܘܠܚܢܐ ܕܥܢܦ̮ܐ.

ܡܢܝܫܢܬܐ ܕܡܛܟܣܝܬ̈ܐ ܣܝܣܝ̈ܐ ܘܓܒ̈ܐ ܝܠܗ ܦܨܘܥܬܐ ܪܘܝܚܬܐ ܠܨܘܒ ܡܚܝܬܐ ܕܡܘܡܟܢܘܬܐ ܕܡܫ̄ܟ̮ܚܬܐ ܕܦܘܪܣܬ ܩܐ ܥܝܪ̈ܐܩܝܐ ܠܡܫܘܬܦܬܐ ܓܘ ܒܢܝܬܐ ܕܥܝܪܐܩ ܘܡܩܘܝܐ ܝܠܗ ܙܒܛܢܬܐ ܕܚܝܠܐ ܕܒܚܟܡܐ ܝܠܝ̈ܗܝ ܒܚܝܠܐ ܕܟ̮ܟܐ (ܙܝܢܐ) ܠܥܡܠܝܬܐ ܣܝܣܝܬܐ ܕܡܥܒܘܕܐ ܝܠܐ ܠܡܕܥܪܬܐ ܕܢܦܩܬܐ ܕܛܘܟܣܐ ܕܝܟܬܬܘܪܝܐ ܘܡ̣ܢ ܠܐܟ̣ܐ ܒܛܠܒܐ ܗ̄ܘܝܚ ܡܢ ܛܢ̈ܢܐ ܡܢ ܥܝܪ̈ܐܩܝܐ ܘܡܓܘܒܝ̈ܐ ܣܝܣܝ̈ܐ ܐܬܪܢܝܐ ܕܟܠܝ ܟܠܝܬܐ ܐܬܪܢܝܬܐ ܢܦܝܩܬܐ ܡܢ ܡܣܡܬܐ ܕܒܠܐ ܥܠ ܚܘܠܡܢܐ ܕܥܝܪܐܩ ܘܫܝܢܗ ܘܚܕܝܘܬܗ ܕܐܪ̈ܥܬܗ ܘܪܝܡܬܐ ܥܠ ܟܠܝܗܝ ܗܢܝܢ̈ܐ ܛܝܦܝ̈ܐ ܘܫܪ̈ܫܝܐ ܠܬܫܡܫܬܐ ܕܐܬܪܐ ܚܒܝܒ̣ܐ ܘܟܠܝ ܚܕܐ ܟܠܝܬܐ ܕܗܘܝܐ ܚܫܝܚܬܐ ܥܡ ܡܫܬܐܠܢܘܬܐ ܕܬܠܝܬܐ ܝܠܗ ܥܠ ܩܕܠܝܗܝ.

ܚܝܐ ܥܝܪܐܩ ܡܚܝܕܐ ܐܪܥܐ ܘܥܡܐ

ܠܘܡܕܐ ܐܫܘܪܝܐ ܓܘܢܝܐ

31 ܬܡܘܙ 2008